工作奇遇

平時一星期一奇遇, 今次二天三奇遇........唔通做人要先做無賴先得.... 昨天工友奇遇1: 23/4 工頭應承分好文件同禮品入箱送回儲物室, 26/4 回覆做好,但事實還在工友房原箱不動再通知工頭儘快送去儲物室. 3/5 又要問工頭放好未, 又順口回覆已經安排另一工友辦妥........ 直到作天30/5, 足一個月,我直接再先去儲物室查看, 仍沒有. 即時又通知工頭, 只得回一個回覆, 好忙, 2 天後才睇下得唔得閒去安排. 結論: 24/4 自己去搬, 就不會有爭議同受氣. 昨天先生奇遇2: 一位吳先生 <忽然> 交來一個電子相架, 就說: 曾生退休放相入去, 你負責架麻, 交比你. (咦!咩事? 我負責? 算, 都係幫同事, 就應承吧.) 今天查看個相架, 咦. 少了記憶咭, 不能用. 緊係打番比事主, 回覆竟然: 我買相架咋喎, 唔關我事, 咁點呀, 你攪掂佢呀. (咦! 又心諗, 買咭唔使錢呀, 點攪, 仲要咩態度呀!!!) 跟手問句: 咁邊個統籌, 我去問佢. 吳生又覆: 我唔知邊個統籌, 我只係負責買相架唧, 你攪掂佢. (我跟手都收線, 免得佢再失態.) 問過其他同事, 原來是福利部的傑作, 交番比佢地, 我不做三八. 結論: 這反掌易事, 就係咁既態度, 點幫呀. . . . 昨天同房奇遇3: 前天開會時: 設計一張表格同流程處理新高中XXXX, (表格是亞太部門產物.) 亞太: 我唔得閒, 不如你做啦. (佢咁好人, 我都好順便咁應承了) 昨天:做好哂發佈哂流程給全校同事, 不久亞太叫我, 我都做左啦, 你又做左張出來呀. . . (-.-)!!! 如果我有槍, 我一定已經向自己開左三槍.

香港何時變了共產主義

香港何時變了共產主義, 大部份香港人講出香港現在及以後面臨的問題, 所提出的都比這個政府更實際更長遠, 而且更是即時解決的, 但所看所見的, 就是拖時間等出糧等新政府接手,這麼多話題, 你這個特首從無取態, 是對是錯, 完全無自己觀點, 無自己決定, 近這十年, 讚你的就只有由你們庇蔭的富商. 香港人由醫療、教育、住所、社福.....等, 有哪一樣能做得好. 就現在產子問題, 對未來一兩年就要面對的教育、醫療、社福、居住等龐大支​出, 不是我們的納稅人的血汗錢嗎? 生仔去公院慘過叫"執媽"在家分娩, 去急症室等到無了期, 雙非走數問題, 可以請到多少個醫生護士, 可以建醫院, 什麼學者說什麼幫到香港人口老化, 是不是用petpet思考嗎? 難道香港人真的無仔生, 香港媽媽多到要瞓滿公院走廊, 多到去遊行才能反影問題給這個特首聽. 就算還不夠, 還可以放宽更多如尖子移民等政策, 全部都想不出是什麼歧視問題. 現在網絡的發展迅速, 並不是對政府的考驗, 而是令政府更易聽到大眾的聲音、社會的問題, 困難就只在於你們無能力去面對及解決這些社會的問題..​...